لايلاي گولوم لايلاي ...
لايلالار آنالارين اوشاقلاري ياتيرتماق اوٍچون اوْخودوقلاري شعرلر دير.آذربايجان لايلالاري فورم باخيميندان باياتي كيميدير . لايلالاري باياتيلار دان فرقلنديرن جهت ايسه اونون مضمونو دور . فورم
باخيميندان دا بير كيچيك فرق اؤزونو گؤسترمكده دير. اگر باياتيلارين اوّلي "عزيزيم" ، "من عاشيق، "عاشيغام" سؤزلريله باشلاييرسا ، لايلالار دا "لايلا" سؤزو يا "لايلا دئديم، لايلا دئييم "سؤزلري گلير.
لايلا دئديم ياتاسان
قيزيل گوله باتاسان.
قيزيل گولون ايچينده
شيرين يوخو تاپاسان.
لايلاي بئشيگيم لايلاي،
ائويم ائشيگيم لايلاي
اوزون گئج هلر بويو
چكيم كئشيگين لايلاي.
لايلاي دئديم اوجادان
سسيم چيخمير باجادان
تانري سني ساخلاسين
چيچكدن ، قيزيلجادان .
لايلاي دئديم ياتينجا
گؤزلرم آي باتينجا
جانيم دوداغا يئتدي،
سن حاصيله چاتينجا.
لايلاي دئديم، جان دئديم،
يوُخودان اوْيان دئديم.
سن يوُخودان دوُرونجا
جانيمي قوربان دئديم.
لايلاي دئديم ياتاسان
شيرين يوخو آلاسان
شيرين يوخو ايچينده
مني يادا سالاسان.
بالامين يوخوسو گلير
لايلايي نين سسي گلير
اوزاق-اوزاق داغلاردان
بالامين داييسي گلير
لايلاي منه قالان لايلاي
شيرين ديللي بالام لايلاي
==========================
بالاما قوربان ايلانلار ، بالام ناواخ ديل آنلار
بالاما قوربان سئرچه لر ، بالام ناواخ ديرچه لر
بالاما قوربان قارقالار ، بالام ناواخ ديل قانار
بالاما قوربان اينه كلر ، بالام ناواخ ايمه كلر
...
قيز قيزيل آلما ، ده ر يئره سالما ، مدرسيه گئت گل ، بئواختا قالما
قيز قيزيلا دؤنوبدور خبري يوخ اوغلانلارين
بو قيز دئييل قايقاناخدير ، اره گئده جه ك قوناخدير
گؤزل قيزام گلين آلين ، كه بينيمه كه تده ر سالين
قيزدي نازدي مين تومن آزدي ، ميليونلار گتير ، گل بو قيزي گؤتور
...
گولو گولولر يارپاغي ، آستانالار تورپاغي ، بالامي نظروورانين ، گؤزونه
خيرداجا قيزيم بيرقطره ، گئتدي بولاغدان سو گه تيره ، آناسي دئدي دينقيلي سان ، كوزه ني ساليب سينديري سان
...
گولو گولوله ر يارپاغي ، آستانالار تورپاغي ، بالامي نظر لييه نين ، گؤزونه بيبار يارپاغي ،
...
لاي لاي دئييم ياتاسان
گول غنچه يه باتاسان
گول غنچه لر ايچينده
شيرين يوخو تاپاسان
...
لالاي بئشيگيم لاي لاي
ائويم ائشيگيم لايلاي
سن يات شيرين يوخو گؤو
چه كيم كئشيين لاي لاي
...
لالاي بالام جان بالام
من سنه قوربان بالام
آغلييبان باغريمي
گل ائله مه قان بالام
...
لاي لاي دئديم بويونجا
باش ياسديغا قويونجا
يات سن گول ياتاغيندا
باخيم سنه دويونجا
...
لاي لاي دئديم ياتينجا
گؤزله ره م اويانينجا
زارا آمانا گلديم
سن حاصيلا چاتينجا
...
لاي لاي امه ييم لاي لاي
دوزوم چؤره ييم لاي لاي
تانري دان عهديم بودور
گؤروم كومه يين لاي لاي
آذربايجان قيزييام
گؤي لرين اولدوزويام
اؤلكه مه قوربان اولوم
توپراغينين دوزويام
لاي لاي اولدوزوم آييم
لاي لاي شاماما پاييم
سن گئت شيرين يوخويا
منده نفسين ساييم
لاي لاي گولون دسته سي
دامغانين پوسته سي
يوخولا سنه اوخويوم
قره باغ شيكسته سي!!
لاي لاي اوجا سهنديم
لاي لاي شكريم قنديم
دونيا گوزلريندن
منده سني بينديم
لاي لاي اركين قالاسي
يات قهرمان بالاسي
يئنه شئحدن دولوبدور
گوزلرين پيالاسي
لاي لاي دئديم ياتاسان
قيزيل گوله باتاسان
من آرزوما چاتماديم
سن آرزووا چاتاسان
آذربايجان قيزييام
گؤي لرين اولدوزويام
اؤلكه مه قوربان اولوم
توپراغينين دوزويام
لاي لاييْنام يات بالام
گوُن ايله چيْخ بات بالام
من آرزوما چاتماديم سن آرزووا چات بالام
لاي لاي آهو گؤز بالام
لاي لاي شيرين سؤز بالام
گؤزَل ليكده دونيادا تكدي منيم اؤز بالام
لالاييْنام اؤز بالام
قاشي قارا گؤز بالام
ديلين بالدان شيرين دير دوداغيْند سؤز بالام
لايْ لايْ ديلين دوز بالام
ديل آچ گينان تئز بالام
من اوتوروم سن دانيْش شيرين شيرين سؤز بالام
لاي لاي بالام گوُل بالام
من سَنَه قوربان بالام
قان ائيلَه مَه كؤنلوُموُ گَل منه بير گوُل بالام
لاي لاييْنام گوُل بالام
تئل لَري سوُنبوُل بالام
كَلبك دَن سئرچَه دَن يوخوسو يوُنگوُل بالام
آذربايجان قيزييام
گؤي لرين اولدوزويام
اؤلكه مه قوربان اولوم
توپراغينين دوزويام
آذربايجان قيزييام
گؤي لرين اولدوزويام
اؤلكه مه قوربان اولوم
توپراغينين دوزويام
بالا دادي بال دادي
بالا آدام آلدادي
ياخشيسينا جان قوربان
پيسي وئره‌ر بال دادي
قالالار آي قالالار
لاچين اوردا بالالار
آنا بالاسين وئرمز
مگر گوجله آلالار
قيزيل گول اولمايايدي
ساراليب سولمايايدي
بير آيريليق بير اؤلوم
هئچ بيري اولمايايدي
لاي لاي - ائلناره
ايلقارين اولدو يالان
كؤنلومو ائتدين تالان
آيريلسين آيري دوشسون
بيزه آيريليق سالان
نظرات شما عزیزان:
